Сотув ва мижоз қарзи, омбор, касса ва валюта фарқи, ходимлар —
ҳаммаси бир жойда, реал вақтда. Цехингиз бўлса — заказ таннархи ҳам. 1С мураккаблигисиз, браузерда.
Кирим, касса ва омбор ҳужжатлари мас'ул шахс тасдиғидан ўтмагунча кучга кирмайди.
🏢
Ҳар фирма — алоҳида ҳисоб
Бир нечта юридик шахс бўлса, ҳар бири алоҳида ташкилот бўлиб битта ўрнатмада туради: ўз ҳужжатлари, ўз фойдаси ва ўз фойдаланувчилари билан.
💾
Маълумот хавфсизлиги
Мунтазам захира нусха, HTTPS, ҳар тенант маълумоти алоҳида ажратилган.
🌍
Сервер қаерда туради
Сукут бўйича Европа дата-марказида. Маълумотингиз Ўзбекистондаги серверда
туришини истасангиз — шундай қиламиз, бу ҳолда абонент тўлови ўзгаради.
Тўлиқ сотиб олганда сервер ва қўллаб-қувватлаш суммаси танланган жойга
қараб ҳисобланади.
📚
Қўлланма ва ёрдам
17 бўлимли фойдаланувчи қўлланмаси ва ҳар саҳифада контекстли «?» тугмаси.
Интеграциялар
Мавжуд тизимларингиз билан ишлайди.
🔗
MES — цех тизими
Ишлаб чиқариш тизимидан заказ ва натижа автоматик тортилиб, ЭРПда ҳужжат бўлади.
👤
Face-ID давомат
Терминалдан кириш-чиқиш вақтлари тортилади, табель ва иш ҳақи шундан ҳисобланади.
📨
Telegram хабарнома
Кунлик ҳисобот, кириш-чиқиш ва тизим хатолари — раҳбар гуруҳига автомат.
📊
Excel импорт/экспорт
Товар, контрагент ва бошланғич қолдиқлар Excel'дан юкланади; ҳар ҳисобот Excel'га чиқади.
Кўчиш
1С'даги маълумотингиз йўқолмайди.
Ноль'дан бошламайсиз. Омбор қолдиғи, касса, мижоз қарзи, асосий воситалар ва иш ҳақи —
бошланғич қолдиқ ҳужжатлари билан кўчирилади. Олди-берди тарихи ҳам импорт қилинади.
1С ёки бошқа тизимдан маълумот кўчириш, справочникларни тартибга солиш, бошланғич
қолдиқларни киритиш, жараёнлар ва ролларни созлаш, ходимларни ўқитиш —
ҳаммаси шу суммага киради.
Ичига синов даври ва ишга тушириш кузатуви ҳам киради.
Тўлиқ сотиб олганда жорий этиш нархга киради — алоҳида тўланмайди.
2
Фойдаланиш — иккита йўл
А. Абонент тўлови. Ҳар ой тўланади, бошланғич сарф кам. Янгиланиш, сервер ва
техник ёрдам ичида.
Б. Тўлиқ сотиб олиш. Фойдаланиш ҳуқуқи муддатсиз, фойдаланувчилар сони чекланмайди.
Кейин фақат сервер ва хизмат кўрсатиш тўланади.
Тўлов сўмда — Марказий банк курси бўйича.Нархлар долларда ёзилган: курс ўзгарганда рақамларни қайта ёзиб чиқмаслик учун.
Ҳисоб-фактура ва шартнома сўмда расмийлаштирилади, тўлов куни амалдаги МБ курси бўйича.
Кейин модул қўшсангиз — фақат фарқини тўлайсиз.Қайтадан сотиб олиш ёки маълумотни кўчириш керак эмас: модул шу тизимнинг ичида ёқилади.
Тизим бизнинг серверимизда туради.Сотиб олганда фойдаланиш ҳуқуқи чекланмаган ва абадий бўлади. Маълумотингизни истаган вақтда
тўлиқ юклаб оласиз. Компания фаолияти тўхтаса — мажбуриятлар бошқа корхонага ўтади;
бундай корхона топилмаса, дастур манба коди мижозларга берилади. Буларнинг ҳаммаси шартномада ёзилади.
Қандай бошланади
Уч қадам — ва тизим ишлайди.
1
Танишув ва демо
Демони ўзингиз кўрасиз ёки мутахассис билан онлайн танишув ўтказамиз — корхонангизга мослигини аниқлаймиз.
2
Созлаш ва кўчириш
Омбор, касса, роллар ва меню корхонангизга созланади. 1С'даги қолдиқлар ва маълумотлар кўчирилади.
3
Ўқитиш ва ишга тушиш
Ходимлар ўқитилади, қўлланма берилади. Биринчи ой давомида ёнингиздамиз.
Савол-жавоб
Кўп сўраладиган саволлар
1С'даги маълумотларимиз кўчириладими?
Ҳа. Омбор қолдиғи, касса, контрагент қарзи, асосий воситалар, иш ҳақи ва солиқ/коммунал —
етти хил бошланғич қолдиқ ҳужжати билан киритилади. Товар ва контрагент рўйхати Excel орқали юкланади,
олди-берди тарихи учун алоҳида импорт бор.
Йўқ. Браузерда ишлайди — Chrome, Edge ёки телефон браузеридан кирасиз. Ўрнатиш, янгилаш ва
захира нусха биз томонда. Телефон ва планшетда ҳам тўлиқ ишлайди.
Ходимлар кўра оладиган маълумотни чеклаб бўладими?
Ҳа, ҳар ҳужжат ва ҳисобот учун алоҳида: кўриш, таҳрирлаш, ўтказиш. Сотувчига таннархни,
кассирга ҳисоботларни ёпиб қўйиш мумкин. Роллар конструктори орқали ўзингиз созлайсиз.
Ҳа. Тизим кўп валютали — валюталар рўйхати чекланмаган, керагича қўшилади
(USD, UZS, RUB, CNY, EUR ва бошқалар). Ташкилотнинг база валютаси танланади.
Курс ўзгарганда «Курс фарқи» ҳужжати билан қарз ва қолдиқ қайта баҳоланади,
фарқ фойда-зарарга тушади.
Бир нечта фирма ва омборимиз бор — битта тизимда бўладими?
Омбор ва касса — чекланмаган, ҳаммаси битта ташкилот ичида. Бир нечта юридик шахс бўлса, ҳар бири алоҳида ташкилот бўлади: ўз ҳисоби, ўз ҳужжатлари ва ўз фойдаланувчилари билан, битта ўрнатмада туради. Битта фойдаланувчи бир вақтда битта ташкилотда ишлайди.
Нарх қанча?
Тўлов икки қисмдан иборат. Биринчиси — тизимни ишга тушириш ва корхонангизга созлаш:
бир марталик, ҳар корхона учун алоҳида (маълумот ҳажми, омбор ва ходимлар сони, интеграциялар
ва ўқитиш ҳажмига қараб). Иккинчиси — фойдаланиш: ойлик абонент тўлови ёки
фойдаланиш ҳуқуқини тўлиқ сотиб олиш. Абонент фойдаланувчилар сони, ёқилган модуллар ва
фойдаланиш даражасига қараб белгиланади; сотиб олинганда абонент тўлови бўлмайди.
Иккала ҳолатда ҳам тизим бизнинг серверимизда туради — сервер, захира нусха ва техник
қўллаб-қувватлаш учун ойига келишилган сумма тўланади. Сўров қолдиринг — корхонангизни
ўрганиб, аниқ рақам айтамиз.
Маълумотимиз қаерда сақланади?
Сукут бўйича Европадаги дата-марказда, ҳар куни захира нусха олинади ва ҳар
корхонанинг маълумоти алоҳида ажратилган. Агар маълумот Ўзбекистон ҳудудидаги
серверда туриши талаб қилинса — шундай қиламиз; бу ҳолда абонент тўлови
ўзгаради, чунки сервер нархи бошқача. Тўлиқ сотиб олганда эса сервер ва
қўллаб-қувватлаш ойлиги танланган жойга қараб ҳисобланади. Иккала ҳолатда ҳам
маълумотни истаган вақтда тўлиқ юклаб оласиз.
Демо кўриш учун нима қилиш керак?
«Демони кўриш» тугмасини босасиз, Telegram'да рақамингизни улашасиз — демо тизим дарҳол очилади.
Тайёр маълумот билан тўлдирилган: ҳужжатлар, ҳисоботлар, заказлар. Ичида эркин ишлашингиз мумкин.
Тизим ичидан
Ҳақиқий экранлар — тайёр маълумот билан.
Булар чизилган расм эмас, ишлаб турган тизимнинг сурати. Шу ерда кўрганингизни
демога кириб ўз кўзингиз билан текширасиз.
Раҳбар панели — касса, дебитор, омбор қиймати ва ой фойдаси бир экрандаСмета-заказ — ҳар заказнинг факт таннархиКонтрагентлар баланси — ким қарздор, ким ҳақдорБарча ҳужжатлар — битта журналда, ҳар биридан ҳужжатгача очиб боришТелефонда ҳам ўша тизим
Ичкаридан кўринг — қўнғироқ кутмасдан
Telegram'да рақамингизни улашасиз, тизим ўша заҳоти очилади. Ичида ҳужжат
киритасиз, ҳисоблатасиз, ҳисоботини кўрасиз. Ҳеч ким устингизда турмайди,
ҳеч ким «менежер боғланади» демайди.
Кўп жойда демо учун контакт қолдириш ва қўнғироқ кутиш керак.
Биз тескарисини қиламиз: аввал кўринг, гаплашишни кейин ўзингиз ҳал қиласиз.
Биз киммиз
Тизимни 1С'ни ичидан билган жамоа қуради.
Тизимнинг ўзи янги. Жамоа ҳам, ичидаги ҳисоб мантиғи ҳам эмас — у 16 йил давомида ҳақиқий корхоналарда синалган. Браузерга кўчгани — кўриниш, мантиқ эмас.
Биринчи босқич
20+
мижоз
Мустақил ишлаб қурилган тизимлар: улгуржи савдо, чакана савдо ва муддатли тўлов ҳисоби. Бир қисми бугун ҳам ишлаб турибди.
Иккинчи босқич
50+
ташкилот · Ўзбекистон бўйлаб
Тўрт-беш кишилик шериклик жамоаси билан қурилган ЭРП. Бренд номи шериклик шарти бўйича ошкор қилинмайди.
Ҳозирги жамоа
10
корхона · Ўзбекистон ва Қозоғистон
Аввалига мебель ишлаб чиқариш учун қурилган, кейин барча соҳага мос келадиган қилиб универсал даражага кенгайтирилган янги ЭРП. Қозоғистондаги мижозларимиз ҳам айнан шу тизимда — фаол ривожланиш давом этмоқда.
Ҳозирги асосий шеригимиз бир вақтлар бизнинг мижозимиз бўлган — тизимни ичкаридан кўриб, кейин уни биргаликда қуришга ўтган одам.
Асосчилар
Икки йўл — битта тизим
Биринчи йўл — ҳисобдан. Ишлаб чиқариш ва улгуржи савдо корхоналарида оператив ҳисобчи бўлиб ишлаган; рақам қаерда йўқолишини ичкаридан кўрган, кейин уни дастурга айлантирган
Иккинчи йўл — цехдан. Россияда мебель цехида оддий ишчи бўлиб бошлаган, кейин дўстлари билан ўз ишлаб чиқаришини очган. Бугун ўша корхонада 100 га яқин ходим ишлайди
Ҳозир у кундалик ишни шерикларига топшириб, мебель корхоналарини тизимлаштириш билан шуғулланади — талаблар дастурчидан эмас, цехдан келишининг сабаби шу
Жамоа етти киши: архитектура, ишлаб чиқариш экспертизаси, сифат назорати, жорий этиш ва қўллаб-қувватлаш
1С дастурчиларини тайёрлайдиган онлайн мактаб — Leaders Group. Ўргатиш учун мавзуни ўзинг мукаммал билишинг керак
Йўналишлар
Фақат ЭРП эмас
MES PRO — мебель ишлаб чиқариш учун цех тизими, шериклик лойиҳамиз. Цехдаги натижа SofTizim ERP'да автомат ҳужжат бўлиб тушади
1С билан интеграция — кўчириш ҳам, ёнма-ён ишлатиш ҳам
Face-ID давомат терминаллари — табель ва иш ҳақи автомат тўлади
Мебель CAD дастурлари (Гиблаб, Базис) билан уланиш
IT Park резиденти · гувоҳнома № 6062«SOF-TIZIM» МЧЖ · СТИР 312939334Фарғона вилояти, Фарғона шаҳриРеестрда 15.05.2026 дан
Кейинги қадам
Корхонангизга мослигини биргаликда текширамиз.
Сўров қолдиринг — мутахассисимиз боғланиб, бизнесингизни ўрганади ва тизим қандай
ёрдам беришини аниқ кўрсатади.
